തന്റെ വാക്കുകള് ആര്ക്കെങ്കിലും വിഷമം ഉണ്ടാക്കിയിട്ടുണ്ടെങ്കില് അതിന് ക്ഷമ ചോദിക്കുന്നുവെന്നും കുമളി അണക്കരയില് സി.പി.ഐ.എം പോളിറ്റ്ബ്യയൂറോ അംഗം വൃന്ദാ കാരാട്ട് പങ്കെടുത്ത തെരഞ്ഞെടുപ്പ് പൊതുവേദിയില് വെച്ച് പറഞ്ഞു.
രാഹുല് വിദ്യാര്ത്ഥിനികളുമായി സംവദിക്കുന്നതിനെക്കുറിച്ചാണ് കഴിഞ്ഞ ദിവസം നടന്ന തെരഞ്ഞെടുപ്പ് പ്രചാരണ പരിപാടിയില് ജോയ്സ് അശ്ലീല പരാമര്ശം നടത്തിയത്.
രാഹുലിന് മുന്നില് പെണ്കുട്ടികള് കുനിഞ്ഞും വളഞ്ഞും നില്ക്കരുത്. അയാള് കല്യാണം കഴിച്ചിട്ടില്ലെന്നായിരുന്നു പരാമശം. ഈ പരാമശത്തില് ജോയ്സിനെതിരെ വലിയ പ്രതിഷേധമാണുയരുന്നത്.
തെരഞ്ഞെടുപ്പ് കമ്മീഷന് പരാതി നല്കുമെന്നും നിയമനടപടികളുമായി മുന്നോട്ട് പോകുമെന്നും കോണ്ഗ്രസ് വ്യക്തമാക്കിയിട്ടുണ്ട്. പരാമശം നിര്ഭാഗ്യകരവും വേദനാജനവകവുമാണെന്ന് പറഞ്ഞ മുതിന്ന കോണ്ഗ്രസ് നേതാവ് ഉമ്മന്ചാണ്ടി കേരളത്തില് നിന്നും അത്തരത്തിലൊരു പരാമശമുണ്ടാകാന് പാടില്ലായിരുന്നുവെന്നും ജോയ്സ് കേരളത്തിലെ സ്ത്രീത്വത്തെ അപമാനിച്ചുവെന്നും കൂട്ടിച്ചേര്ത്തു.
പരാമശം വിവാദമായതോടെ ജോയ്സ് ജോര്ജിനെ തിരുത്തിയ മുഖ്യമന്ത്രി പിണറായി വിജയന് ആരെയും വ്യക്തിപരമായി അധിക്ഷേപിക്കുന്നത് എല്.ഡി.എഫ് രീതിയല്ലെന്നും രാഷ്ട്രീയ വിമര്ശനം മാത്രമാണ് രാഹുലിന് എതിരെയുള്ളതെന്നും പ്രതികരിച്ചു.
അതേസമയം, ജോയ്സ് ജോര്ജ്ജിന്റെ വീട്ടിലേയ്ക്ക് ഇന്ന് ഉച്ചയ്ക്ക് യൂത്ത് കോണ്ഗ്രസ് മാര്ച്ച് നടത്തും. സ്ത്രീവിരുദ്ധ പരാമര്ശം നടത്തിയ ജോയ്സ് ജോര്ജിനെ അറസ്റ്റ് ചെയ്യണമെന്ന് ആവശ്യപ്പെട്ട് മഹിളാ കോണ്ഗ്രസ് സെക്രട്ടിയേറ്റിലേക്ക് മാര്ച്ച് നടത്തി.
