Euro Cup 2020 മത്സരത്തിനിടയിൽ ഡെന്മാർക്ക് താരം ക്രിസ്ത്യൻ എറിക്സൺ ബോധരഹിതനായി വീണു. താരം അത്യസന്ന നിലയിൽ ചികിത്സയിലാണ്. ഇന്ന് ഫിൻലാൻഡ് ഡെൻമാർക്ക്‌ മത്സരം നടക്കുന്നതിനിടയിലാണ് താരം കളിക്കളത്തിൽ ബോധരഹിതനായി വീണത്. കളിയുടെ നാൽപതാം മിനിറ്റിലാണ് സംഭവം.
അറ്റാക്കിങ് മിഡ് ഫീൽഡറായ ക്രിസ്ത്യൻ എറിക്സൺ ഡെന്മാർക്കിന്റെ പ്രധാന താരമാണ്. ക്ലബ് ഫുട്ബോളിൽ ഇന്റർമിലൻ താരമാണ് ക്രിസ്ത്യൻ. അത്യാസന്ന നിലയിലായിലായ താരത്തിന് മൈതാനത്തുണ്ടായിരുന്ന മെഡിക്കൽ അംഗങ്ങൾ പ്രാഥമിക ശുശ്രുഷ നൽകി. മത്സരം താത്ക്കാലികമായി നിർത്തിവെച്ചു. വിദഗ്ദ്ധ ചികിത്സയ്ക്കായി എറിക്സണിനെ ആശുപത്രിയിലേക്ക് മാറ്റി.
