പ്രായപൂർത്തിയാകാത്ത പ്ലസ്ടു വിദ്യാർഥിനിയെ
പ്രണയം നടിച്ച് പീഡിപ്പിക്കാൻ ശ്രമിക്കുകയും എതിർത്തതിനെത്തുടർന്ന് സ്കൂളിൻറെ സമീപത്ത് വെച്ച് മർദ്ദിക്കുകയും ചെയ്ത കേസിലെ പ്രതിയെ ചടയമംഗലം പോലീസ് അറസ്റ്റ് ചെയ്തു.
അഞ്ചൽ കുരുവിക്കോണം സ്വദേശിയായ 20 വയസ്സുള്ള സുധിയാണ്
ചടയമംഗലം പോലീസിന്റെ പിടിയിലായത്.
2020 ഡിസംബർ മാസം പതിനെട്ടാം തീയതി
പരീക്ഷ എഴുതാൻ ആയി പോയ പെൺകുട്ടിയെ ചടയമംഗലത്ത് സ്കൂളിന് സമീപത്ത് വച്ച് ശല്യപ്പെടുത്തുകയും എതിർത്തതിനെ തുടർന്ന്പ്രതി പെൺകുട്ടിയെ
മുഖത്ത് അടിക്കുകയായിരുന്നു. പെൺകുട്ടിയുടെ രക്ഷകർത്താക്കൾ ചടയമംഗലം പോലീസിൽ പരാതിനൽകിയതിന്റെ അടിസ്ഥാനത്തിൽപ്രതിക്കെതിരെ പോക്സോ അടക്കമുള്ള വകുപ്പുകൾ ചുമത്തി കേസെടുത്തു.
മുൻപും ഈ പെൺകുട്ടിയെ ശല്യം ചെയ്തതിന് അഞ്ചൽ പോലീസ് സ്റ്റേഷനിൽ പലതവണ ഇയാൾക്കെതിരെ പരാതി നൽകിയിരുന്നു.
ഒളിവിൽ കഴിയുകയായിരുന്ന പ്രതിയെ പുന്നലയിൽ നിന്നും ചടയമംഗലം പോലീസ് അറസ്റ്റ് ചെയ്യുകയായിരുന്നു.
അറസ്റ്റ് ചെയ്ത പ്രതിയെ കോടതിയിൽ ഹാജരാക്കി കോടതി റിമാൻഡ് ചെയ്തു.
