Latest News Kerala | Kollam News | Thiruvananthapuram News | Alappuzha News | National News | Gulf News | English News
സൂറത്ത് : യുവാവിനെ പിക്കപ്പ് വാനില്‍ കെട്ടിയിട്ട് റോഡിലൂടെ വലിച്ചിഴച്ച സംഭവത്തില്‍ ഭാര്യയെയും ഭാര്യാസഹോദരനെയും പോലീസ് അറസ്റ്റ് ചെയ്തു. ഗുജറാത്തിലെ സൂറത്തിലെ കഡോദാരയില്‍ താമസിക്കുന്ന ശീതള്‍ റാത്തോഡ്, സഹോദരന്‍ അനില്‍ ചൗഹാന്‍ എന്നിവരെയാണ് പോലീസ് പിടികൂടിയത്. ശീതളിന്റെ ഭര്‍ത്താവ് ബാല്‍കൃഷ്ണ റാത്തോഡിനെയാണ് പ്രതികൾ ക്രൂരമായി മര്‍ദിച്ച ശേഷം ടെംപോ വാനില്‍ കെട്ടിയിട്ട് റോഡിലൂടെ വലിച്ചിഴച്ചത്.
Watch: Man tied, dragged behind tempo on road by wife, her brother in Surat's Kadodara
— TOI Surat (@TOISurat) February 28, 2021
READ MORE: https://t.co/qWFVebZGoM pic.twitter.com/9hJvAn4gCu
സംഭവത്തിൽ ഗുരുതരമായി പരിക്കേറ്റ ബാല്‍കൃഷ്ണയെ ആശുപത്രിയില്‍ പ്രവേശിപ്പിച്ചിരിക്കുകയാണ്.വെള്ളിയാഴ്ച വൈകിട്ട് നടന്ന സംഭവം ദേശീയ മാധ്യമമായ ടൈംസ് ഓഫ് ഇന്ത്യയാണ് റിപ്പോർട്ട് ചെയ്തിരിക്കുന്നത്. മദ്യപിച്ചെത്തുന്ന ബാല്‍കൃഷ്ണ ഭാര്യയെ മര്‍ദിക്കുന്നത് പതിവായിരുന്നുവെന്നും വെള്ളിയാഴ്ച വൈകിട്ടും മദ്യപിച്ചെത്തിയ ഇയാള്‍ ഭാര്യയുമായി വഴക്കിട്ടു. ഇതോടെ ശീതള്‍ സഹോദരനായ അനില്‍ ചൗഹാനെ വിളിച്ചുവരുത്തിത്തുകയും പിക്കപ്പ് വൻ ഡ്രൈവറായ അനില്‍ സഹോദരിയുടെ വീട്ടിലെത്തി പ്രശ്‌നം പരിഹരിക്കാന്‍ ശ്രമിച്ചെങ്കിലും ഫലംകണ്ടില്ല.
ഇതിനിടെ പ്രകോപിതനായ ബാല്‍കൃഷ്ണ ഭാര്യയെയും ഭാര്യാ സഹോദരനെയും ആക്രമിക്കാന്‍ ശ്രമിച്ചു. ഇതോടെയാണ് പ്രതികൾ ഇരുവരും ചേര്‍ന്ന് ബാല്‍കൃഷ്ണയെ മര്‍ദിച്ചത്. തുടര്‍ന്ന് പിക്കപ്പ് വാനില്‍ ഇയാളെ കെട്ടിയിട്ട് അരക്കിലോമീറ്ററോളം ദൂരം റോഡിലൂടെ വലിച്ചിഴക്കുകയായിരുന്നു.
