അഷ്ടമുടി സ്കൂളിന് അഭിമാനിക്കാം
അഷ്ടമുടി : അഷ്ടമുടി ഗവൺമെൻറ് ഹയർ സെക്കൻ്ററി സ്കൂളിലെ പൂർവ്വ വിദ്യാർത്ഥി സംഘടനയുടെ ജോയിൻ്റ് സെക്രട്ടറിയും അധ്യാപകനുമായ ആൻഡേഴ്സനാണ് സ്ഥലം മാറ്റം ലഭിച്ച് അഷ്ടമുടി ഗവൺമെൻറ് ഹയർ സെക്കൻ്ററി സ്കൂളിലേക്ക് എത്തിയിരിക്കുന്നത്. നിലവിൽ സ്കൂളിലെ പൂർവ്വ വിദ്യാർത്ഥിയായിരുന്ന അബ്ദുൽ ഷുക്കൂറാണ് സ്കൂളിൻ്റെ പ്രഥമ അധ്യാപകൻ. പഠിച്ചിറങ്ങിയ സ്കൂളിൽ തന്നെ തിരികെ അധ്യാപകനായി എത്തുന്നതും കുട്ടികളോട് താനും ഇതേ സ്കൂളിൽ തന്നെയുള്ള വിദ്യാർത്ഥിയാണെന്ന മാതൃക കാട്ടലും അപൂർവ്വ നേട്ടമാണ് ഒരോ അധ്യാപകർക്കും. പുതിയ കർത്തവ്യങ്ങൾ ഏറ്റെടുത്തുകൊണ്ട് അവർ പഠിച്ചു വളർന്ന സ്കൂളിലേക്കുള്ള തിരിച്ചുവരവ് വളരെ പ്രതീക്ഷയോടെയാണ് അഷ്ടമുടിക്കാർ നോക്കി കാണുന്നത്.
