പള്ളിത്തോട്ടം : എട്ട് മാസം പ്രായമുള്ള കൈക്കുഞ്ഞിനെ ഉപേക്ഷിച്ച് കാമുകനൊപ്പം ഒളിച്ചോടിയ കൊല്ലം പള്ളിത്തോട്ടം സ്വദേശിനിയെ സൈബർ സെല്ലിൻ്റെ സഹായത്തോടെ പള്ളിത്തോട്ടം പോലീസ് പിടികൂടി കോടതിയിൽ ഹാജരാക്കി റിമാൻഡ് ചെയ്തു.
പള്ളിത്തോട്ടം സ്വദേശിനിയായ 21-കാരിയാണ് അറസ്റ്റിലായത്. ഇവർ ഫേസ്ബുക്ക് വഴി പരിചയപ്പെട്ട കോഴിക്കോട് സ്വദേശിയായ 26 കാരനായ യുവാവുമായിട്ടാണ് കഴിഞ്ഞ മാസം 22ന് യുവതി ഒളിച്ചോടിയത്. ഇയാൾ ചെന്നൈയിൽ ജ്യൂസ് ഷോപ്പ് നടത്തുകയാണ് ഇവിടേക്കാണ് ഇവർ ആദ്യം എത്തിയത്. ഇരുവരുടെയും ഫോൺ ലോക്കേഷൻ വിവരങ്ങൾ സൈബർസെല്ലിൻ്റെ സഹായത്തോടെ പള്ളിത്തോട്ടം പോലീസ് നിരീക്ഷിച്ചുവരുകയായിരുന്നു ഇതിനിടെ ഇവർ തിരുവനന്തപുരത്ത് എത്തുകയും അവിടുന്ന് കോഴിക്കോട്ടേക്ക് പോകാൻ ആലോചന നടത്തുകയുമായിരുന്നു ഇത് പൊളിച്ചു കൊണ്ടാണ് പള്ളിത്തോട്ടം പോലീസ് ഇവരെ പിടികൂടിയത്.
