സ്കൂള്‍ വിദ്യാര്‍ഥിനിയായ മകളുടെ മൊബൈല്‍ ഫോണിലേക്ക് അശ്ലീല ചിത്രങ്ങളും സന്ദേശങ്ങളും അയയ്ക്കുന്നത് പതിവാക്കിയ പിതാവ് അറസ്റ്റിലായ സംഭവം കഴിഞ്ഞ ദിവസം കിളിമാനൂരിൽ റിപ്പോർട്ട് ചെയ്തിരുന്നു. കിളിമാനൂര്‍ സ്വദേശിയായ ഇയാള്‍ക്ക് 62 വയസ്സുണ്ട്. യു.എ.ഇയില്‍ 30 വര്‍ഷം ഡിഫന്‍സ് അക്കാദമിയില്‍ ജോലി ചെയ്ത ശേഷം നാട്ടിലെത്തിയ ആളാണ് അറസ്റ്റിലായത്. മൂന്നു വിവാഹം കഴിച്ച ഇയാള്‍ ആദ്യ രണ്ടു ബന്ധവും വേര്‍പെടുത്തിയിരുന്നു. മൂന്നു ഭാര്യമാരിലും കൂടി അഞ്ചു മക്കളുണ്ട്.
2020 സെപ്റ്റംബറിലാണ് ഇയാള്‍ ജോലി മതിയാക്കി എത്തിയത്. വിദേശത്ത് ആയിരുന്നപ്പോള്‍ തന്നെ മകള്‍ക്ക് അശ്ലീല സന്ദേശം അയയ്ക്കുന്നത് പതിവായിരുന്നു. നാട്ടില്‍ എത്തിയ ശേഷവും ഇയാള്‍ ഇത് തുടര്‍ന്നു. കുട്ടിയുടെ അമ്മ നിരവധി തവണ എതിര്‍ത്തെങ്കിലും ഇയാള്‍ ഇത് വകവച്ചില്ല. ചൈല്‍ഡ് ലൈന്‍ പ്രവര്‍ത്തകര്‍ കിളിമാനൂര്‍ പൊലീസിന് വിവരം കൈമാറിയതിനെത്തുടര്‍ന്ന് ഇന്‍സ്പെക്ടര്‍ കെ ബി മനോജ് കുമാര്‍, എസ് ഐ ടി ജെ ജയേഷ് എന്നിവര്‍ ഇയാളെ പിടികൂടുകയായിരുന്നു.
