കൊല്ലം ഉമയനെല്ലൂർ നടുവിലക്കര ശോഭാ ഭവനിൽ ആദർശിൻ്റെ KL-23D 6791 രജിസ്ട്രേഷൻ നമ്പർ ബജാജ് പൾസർ 220 ബൈക്കാണ് ഇന്നലെ രാത്രി മോഷണം പോയത്. കഴിഞ്ഞ എപ്രിലിൽ സുഹൃത്തിൻ്റെ കൈയ്യിൽ നിന്നും വാങ്ങിയ ബൈക്കാണ്. ആദർശിൻ്റെ പിതാവ് ജോലി കഴിഞ്ഞ രാത്രി 11 മണിക്ക് വരുമ്പോഴും വീടിന് മുന്നിൽ ബൈക്ക് ഉണ്ടായിരുന്നു. പീന്നിട് വീട്ടുകാർ ഉറങ്ങിയതിന് ശേഷമാണ് ബൈക്കിൻ്റെ ലോക്ക് തകർത്ത് ബൈക്ക് മോഷ്ടിച്ചത്. രാവിലെയാണ് ബൈക്ക് മോഷണം പോയ വിവരം വീട്ടുകാർ അറിയുന്നത്. തുടർന്ന് കൊട്ടിയം പോലീസ് സ്റ്റേഷനിൽ പരാതി നൽകി. തകർത്ത ബൈക്കിൻ്റെ ലോക്ക് പീന്നിട് ഉമയനെല്ലുർ കൊച്ചാലുംമൂട് ജംഗ്ഷനിൽ നിന്നും ലഭിച്ചു. കൊട്ടിയം എസ്. എച്ച്.ഒ പി. കെ ശ്രീധർ, എസ്. ഐ പ്രവീണ വി.പി എന്നിവരുടെ നേതൃത്വത്തിൽ പ്രദേശത്തെ സി.സി.ടി.വി ദൃശ്യങ്ങൾ പരിശോധിച്ച് മോഷ്ടാക്കളെ കണ്ടെത്തുവാനുള്ള ശ്രമം ആരംഭിച്ചു.
