ചവറയിലെ റീത്ത്: തൻ്റെ മരണം ആഗ്രഹിക്കുന്ന നിലയിലേക്ക് സിപിഎമ്മിലെ കൊച്ചനുജന്മാരെ ചിന്തിപ്പിക്കുന്നത് എന്താണ് എന്ന് തനിക്ക് മനസിലാകുന്നില്ല; ചിത്രം പങ്ക് വെച്ച് ഷിബു ബേബി ജോൺ.

ബ്യൂറോ ചവറ

ചവറ : 

ചവറയിൽ ആർ.എസ്.പിയുടെ പരാജയത്തിന് പിന്നാലെ പ്രദേശത്ത് വ്യാപകമായി ചവറയിലെ ആർ.എസ്.പിയുടെ സ്ഥാനാർത്ഥിയെ ആക്ഷേപിക്കുന്ന തരത്തിൽ വ്യാപകമായ പ്രചാരണങ്ങൾ പോസ്റ്ററുകളായും സമൂഹ മാധ്യമങ്ങൾ വഴിയും നടന്നുകൊണ്ടിരിക്കുന്നതിനെ വലത് സംഘടനകൾ എതിർത്തിരുന്നു തുടർന്നാണ് പ്രദേശത്ത് ആർ.എസ്.പി നേതാവും ചവറയിലെ സ്ഥാനാർത്ഥിയുമായിരുന്ന ഷിബു ബേബി ജോണിൻ്റെ ഫോട്ടോ പതിച്ച റീത്ത് കോൺഗ്രസ്സ് കൊടിമരത്തിന് മുന്നിൽ കാണപ്പെട്ടത് ഇതിനെ അപലപിച്ചാണ് മുൻമന്ത്രി കൂടിയായ ഷിബു ബേബി ജോണിൻ്റെ ഫേസ്ബുക്ക് പോസ്റ്റ്

" രാഷ്ട്രീയപ്രത്യയശാസ്ത്രങ്ങളുടെ വൈവിധ്യമാണ് ജനാധിപത്യത്തിൻ്റെ ശക്തി " എന്ന തത്വത്തെ ഉദ്ധ്ധരിച്ച് കൊണ്ട് തുടങ്ങുന്ന പോസ്റ്റിൽ ഇടത് സംഘടനയായ സിപിഎമ്മിനെ പേരെടുത്ത് പരാമർശിക്കുന്നുണ്ട്.  തൻ്റെ മരണം ആഗ്രഹിക്കുന്ന നിലയിലേക്ക് സിപിഎമ്മിലെ കൊച്ചനുജന്മാരെ ചിന്തിപ്പിക്കുന്നത് എന്താണ് എന്ന് തനിക്ക് മനസിലാകുന്നില്ലായെന്നും അദ്ദേഹം പോസ്റ്റിൽ ചൂണ്ടിക്കാട്ടുന്നു.

ഫേസ് ബുക്ക് പോസ്റ്റിൻ്റെ പൂർണ്ണരൂപം ⬇️

രാഷ്ട്രീയപ്രത്യയശാസ്ത്രങ്ങളുടെ വൈവിധ്യമാണ് ജനാധിപത്യത്തിൻ്റെ ശക്തി. ഞാനൊരു രാഷ്ട്രീയത്തിൽ വിശ്വസിച്ച് കഴിഞ്ഞ 23 വർഷമായി സജീവ പൊതുപ്രവർത്തന രംഗത്തുണ്ട്. അതിനുമുമ്പും ആ രാഷ്ട്രീയത്തിൻ്റെ അനുഭാവിയാണ്. എന്നാൽ പൊതുപ്രവർത്തകനെന്ന നിലയിലും ജനപ്രതിനിധി എന്ന നിലയിലും എന്നെ സമീപിക്കുന്ന എല്ലാവരെയും രാഷ്ട്രീയഭേദമന്യേ സഹായിച്ചിട്ടേയുള്ളു. വ്യത്യസ്ത രാഷ്ട്രീയമാണെന്ന പേരിൽ ആരെയും മാറ്റിനിർത്തുകയോ ദ്രോഹിക്കുകയോ ചെയ്തിട്ടില്ല. 

എന്നാൽ അതിനപ്പുറം എൻ്റെ മരണം ആഗ്രഹിക്കുന്ന നിലയിലേക്ക് സിപിഎമ്മിലെ കൊച്ചനുജന്മാരെ ചിന്തിപ്പിക്കുന്നത് എന്താണ് എന്ന് മനസിലാകുന്നില്ല.