ഓച്ചിറ : രണ്ട് ലക്ഷം വിലവരുന്ന ആഡംബര ബൈക്ക് മോഷ്ടിച്ചകേസിലെ പ്രതികളായ യുവാക്കളെ ഓച്ചിറ പൊലീസ് അറസ്റ്റ് ചെയ്തു. ചങ്ങന്‍കുളങ്ങര, നന്ദനം വീട്ടില്‍ അഭിജിത്ത് (20), കരുനാഗപ്പള്ളി മരുതൂര്‍കുളങ്ങര തെക്ക് അനന്ദു നിവാസില്‍ അനന്ദു (22) എന്നിവരാണ് അറസ്റ്റിലായത്. വ്യാഴാഴ്ച രാത്രിയില്‍ ചങ്ങന്‍കുളങ്ങര കൊട്ടയ്ക്കാട്ട് പുത്തന്‍വീട്ടില്‍ ജയേഷിൻ്റെ രണ്ടുലക്ഷം രൂപ വിലവരുന്ന ബൈക്കാണ് മോഷ്ടിച്ചത്.പ്രതികള്‍ ബൈക്കുമായി പോകുന്നത് അടുത്തുള്ള സി.സി.ടി.വിയില്‍ പതിഞ്ഞിരുന്നു.
ഓച്ചിറ പൊലീസ് ഇന്‍സ്പെക്ടര്‍ ആര്‍. പ്രകാശ്, എസ്.ഐമാരായ അനീഷ് കുമാര്‍, ഗോപകുമാര്‍, സലാം, എ.എസ്.ഐമാരായ സജിമോന്‍, രഞ്ജിത്ത്, പ്രവീണ്‍ എന്നിവരടങ്ങുന്ന സംഘമാണ് പ്രതികളെ അറസ്റ്റ് ചെയ്തത്.
