കുവൈത്ത്: ക​ർഫ്യൂ സ​മ​യ​ത്ത് വി​മാ​ന​ത്താ​വ​ള​ത്തി​ലേ​ക്ക് പോകാൻ ടി​ക്ക​റ്റ് മ​തിയെന്ന് അധികൃതർ - Kuwait: Flight Tickets are enough for entry to the airport during curfew:

 

കു​വൈ​ത്ത്​ സി​റ്റി : കുവൈത്തിലെ ക​ർ​ഫ്യൂ സ​മ​യ​ത്ത്​ വി​മാ​ന​ത്താ​വ​ള​ത്തി​ലേ​ക്ക്​ പോകാൻ വി​മാ​ന ടി​ക്ക​റ്റ്​ മാ​ത്രം കൈ​വ​ശം വെ​ച്ചാ​ൽ​മ​തിയാകുമെന്ന് അധികൃതർ വ്യക്തമാക്കി . ചെ​ക്​​പോ​യ​ൻ​റി​ലു​ള്ള സു​ര​ക്ഷ ഉ​ദ്യോ​ഗ​സ്ഥ​ർ​ക്ക്​ വി​മാ​ന ടി​ക്ക​റ്റ്​ കാ​ണി​ച്ചാ​ൽ മ​തി. വൈ​കീ​ട്ട്​ അ​ഞ്ചു​മു​ത​ൽ പു​ല​ർ​ച്ച അ​ഞ്ചു​വ​രെ​യാ​ണ്​ രാ​ജ്യ​ത്ത്​ ക​ർ​ഫ്യൂ നി​ല​വി​ലു​ള്ള​ത്. ഈ ​സ​മ​യ​ത്താ​ണ്​ വി​മാ​ന​യാ​ത്ര​യെ​ങ്കി​ൽ ക​ർ​ഫ്യൂ സ​മ​യ​ത്തി​ന്​ മു​മ്പു​ത​ന്നെ വി​മാ​ന​ത്താ​വ​ള​ത്തി​ലെ​ത്തി കാ​ത്തി​രി​ക്കേ​ണ്ട ആ​വ​ശ്യ​മി​ല്ല. വി​മാ​ന​ത്താ​വ​ള​ത്തി​ൽ യാ​ത്ര​ക്കാ​രെ കൊ​ണ്ടു​വി​ട്ട്​ മ​ട​ങ്ങു​ന്ന ഡ്രൈ​വ​ർ ടി​ക്ക​റ്റിന്റെ പ​ക​ർ​ച്ച്​ കൈ​വ​ശം വെ​ക്ക​ണം. ഉ​ദ്യോ​സ്ഥ​ർ ആ​വ​ശ്യ​പ്പെ​ടുമ്പോൾ ഡ്രൈ​വ​ർ​മാ​ർ ഇ​ത്​ കാ​ണി​ക്ക​ണം.

രാജ്യത്ത് ഇത് വരെ ക​ർ​ഫ്യൂ ലം​ഘി​ച്ച​തി​ന്​ 33 പേ​ർ​കൂ​ടി അ​റ​സ്​​റ്റി​ലാ​യി. 31 സ്വദേശികളും ര​ണ്ട് വി​ദേ​ശി​ക​ളു​മാ​ണ്​ പി​ടി​യി​ലാ​യ​ത്. കാ​പി​റ്റ​ൽ ഗ​വ​ർ​ണ​റേ​റ്റി​ൽ ഒ​രാ​ൾ, ഹ​വ​ല്ലി ഗ​വ​ർ​റേ​റ്റി​ൽ ഒ​മ്പ​ത്​ പേ​ർ, ഫ​ർ​വാ​നി​യ ഗ​വ​ർ​ണ​റേ​റ്റി​ൽ 13 പേ​ർ, ജ​ഹ്​​റ ഗ​വ​ർ​ണ​റേ​റ്റി​ൽ ഒ​രാ​ൾ, മു​ബാ​റ​ക്​ അ​ൽ ക​ബീ​ർ ഗ​വ​ർ​ണ​റേ​റ്റി​ൽ ഒ​രാ​ൾ, അ​ഹ്​​മ​ദി ഗ​വ​ർ​ണ​റേ​റ്റി​ൽ എ​ട്ടു​പേ​ർ എ​ന്നി​ങ്ങ​നെ​യാ​ണ്​ പി​ടി​യി​ലാ​യ​ത്