അഷ്ടമുടി ലൈവ് നൽകിയ വാർത്ത പ്രിയ പ്രേഷകർ പങ്ക് വെച്ചത് ഫലം കണ്ടു. കുണ്ടറ പോലീസ് സ്റ്റേഷനിൽ നിന്ന് ഇന്ന് രാത്രി 8 മണിയോട് കൂടിയാണ് വിൻസെൻ്റിന് ഫോൺ കോൾ എത്തിയത് " അവകാശിയെത്തിയിട്ടുണ്ട് എന്ന് " കുണ്ടറ കാഞ്ഞിരോട് സ്വദേശിയായ യോഹന്നാൻ ആയിരുന്നു പണമടങ്ങിയ ബാഗിൻ്റെ ഉടമ . ഇന്ന് രാവിലെ ജോലിക്കിടയിലാണ് ആംബുലൻസ് ഡ്രൈവറായ വിൻസെൻ്റിന് കുണ്ടറ മുക്കടയിൽനിന്ന് പണമടങ്ങിയ ബാഗ് ലഭിച്ചത്. കഷ്ടപ്പാടുകൾ മാത്രം കൈമുതലായുള്ള വിൻസെൻ്റിന് പണത്തിൻ്റെ വില നന്നായി അറിയാം അതിനാൽ ബാഗ് ഉടനെ കുണ്ടറ പോലീസ് സ്റ്റേഷനിൽ ഏല്പ്പിക്കുകയും ഈ വിവരം ഉടൻ അഷ്ടമുടി ലൈവ് ന്യൂസിൻ്റെ പ്രതിനിധിയെ അറിയിക്കുകയും ചെയ്തത്.
" ആംബുലൻസ് ഡ്രൈവർ വിൻസെൻ്റിന് കുണ്ടറ മുക്കടയിൽനിന്ന് പണമടങ്ങിയ ബാഗ് ലഭിച്ചു; ഒരു രൂപാ കുറവില്ലാതെ ഇപ്പോൾ ആ ബാഗ് കുണ്ടറ പോലീസ് സ്റ്റേഷനിലുണ്ട് അവകാശികളെയും കാത്ത്. " എന്ന തലക്കെട്ടിൽ ഉടൻ തന്നെ അഷ്ടമുടി ലൈവ് ന്യൂസിൽ വാർത്ത പ്രസിദ്ധീകരിച്ചു. തുടർന്ന് ഇന്ന് രാത്രി 8 മണിയോട് കൂടി കുണ്ടറ പോലീസ് സ്റ്റേഷനിൽ എത്തി യോഹന്നാൻ പണം ഏറ്റുവാങ്ങുകയായിരുന്നു.
