വിവാഹ വീടിന് സമീപം ചേരിതിരിഞ്ഞുള്ള സംഘർഷത്തിൽ ഒരാൾ മരിച്ചു; കൊല്ലം സ്വദേശി പോലീസ് സ്റ്റേഷനിൽ കീഴടങ്ങി.

മാവേലിക്കര : വിവാഹ വീടിന്‌ സമീപം റോഡില്‍ ഇരുവിഭാഗങ്ങള്‍ തമ്മിലുണ്ടായ സംഘര്‍ഷത്തില്‍ പരുക്കേറ്റ്‌ ചികിത്സയിലിരിക്കെ തട്ടാരമ്ബലം മറ്റം വടക്ക്‌ പനച്ചിത്തറയില്‍ രഞ്‌ജിത്ത്‌(33) മരിച്ച സംഭവത്തില്‍ ഒരാള്‍ കൂടി അറസ്‌റ്റില്‍. കൊല്ലം പേരയം പടപ്പാക്കര ദിവ്യപ്രഭയില്‍ എസ്‌.ഷാരോണാ(21)ണ്‌ കഴിഞ്ഞദിവസം സ്‌റ്റേഷനില്‍ കീഴടങ്ങിയത്‌. സംഘര്‍ഷവുമായുണ്ടായി ബന്ധപ്പെട്ട പരാതിയില്‍ കൊല്ലം പടപ്പാക്കര എള്ളുവിള അജിത്ത്‌(19), ചരുവിള അഭിലാഷ്‌(22), പ്രതിഭാ ഭവന്‍ അഭിന്‍(23), മറ്റം വടക്ക്‌ ഹൈ വ്യൂ വീട്ടില്‍ നെല്‍സണ്‍(54) എന്നിവരെ പോലീസ്‌ നേരത്തെ അറസ്‌റ്റ് ചെയ്‌തിരുന്നു. കഴിഞ്ഞ 26 ന്‌ രാത്രിയിലായിരുന്നു സംഭവം. വിവാഹ വീടിന്റെ മുന്‍വശത്ത്‌ കൂടിയുള്ള റോഡില്‍ വിവാഹ വീട്ടിലെത്തിയവര്‍ കൂട്ടംകൂടി നിന്ന്‌ മാര്‍ഗതടസം സൃഷ്‌ടിച്ചതുമായി ബന്ധപ്പെട്ട്‌ നാട്ടുകാരുമായുണ്ടായ വാക്കുതര്‍ക്കാണ്‌ സംഘര്‍ഷത്തില്‍ കലാശിച്ചത്‌.കേസിലെ ബാക്കിയുള്ള പ്രതികള്‍ക്കായി പ്രത്യേക അന്വേഷണ സംഘഷത്തെ നിയോഗിച്ചിട്ടുണ്ടെന്നും ബാക്കി പ്രതികള്‍ ഉടന്‍ അറസ്‌റ്റിലാകുമെന്നും ചെങ്ങന്നൂര്‍ ഡി.വൈ.എസ്‌.പി: ആര്‍.ജോസ്‌ പറഞ്ഞു.