എഴുകോൺ : വാളായിക്കോണത്ത് ഗ്യാസ് സിലിണ്ടർ പൊട്ടിത്തെറിച്ച് ചായക്കട പൂർണമായും കത്തി നശിച്ചു. എഴുകോൺ വാളായിക്കോണത്ത് KAP പുറമ്പോക്കിൽ പ്രവർത്തിച്ചു വന്നിരുന്ന രാധ ബിജു ഭവൻ എന്നയാളുടെ ഉടമസ്ഥതയിലുണ്ടായിരുന്ന ചായക്കടയാണ് പൂർണ്ണമായും കത്തിനശിച്ചത്.രണ്ട് ഗ്യാസ് സിലിണ്ടറുകൾ ഉപയോഗിച്ചിരുന്ന പ്രസ്തുത കടയ്ക്ക് സമീപം ആൾത്താമസം കുറവായതിനാൽ സിലിണ്ടറുകൾ ഉഗ്രശബ്ദത്തോടെ പൊട്ടിത്തെറിച്ചെങ്കിലും ആളപായം ഉണ്ടായില്ല. കുണ്ടറ ഫയർ &റസ്ക്യു സ്റ്റേഷൻ ഓഫീസർ ശ്രീ.ഗിരീഷ് കുമാറിൻ്റെ നേതൃത്വത്തിൽ ഫയർ &റസ്ക്യൂ ഓഫീസർമാരായ ശ്രീ.ജയരാജ്, കൃഷ്ണകുമാർ , അൻവർ, അരുൺദാസ് അനിൽകുമാർ, സുജിത്ത് കുമാർ ബാലചന്ദ്രൻ പിള്ള രാജേന്ദ്രൻ, അശോകൻ എന്നിവർ ചേർന്ന് കടയിലേയും സമീപത്തെ പറമ്പിലേക്കും പടർന്ന തീ പൂർണ്ണമായും അണച്ചു.
