കൊല്ലം : എല്‍.ഡി.എഫിന്റെ വികസന മുന്നേറ്റ ജാഥയെ വരവേല്‍ക്കാന്‍ ആയിരങ്ങളെത്തിയപ്പോള്‍ നഗരം ചെങ്കടലായി മാറി. വൻ ജനാവലിയുടെയും ഇരുക്രവാഹനങ്ങളുടെയും അകമ്പടിയിൽ ജാഥാ ക്യാപ്ടന്‍ ബിനോയ് വിശ്വം എത്തിയപ്പോള്‍ സ്വീകരണവേദി നിറഞ്ഞു.
വൈകിട്ട് മുതല്‍ തന്നെ കൊല്ലം, ഇരവിപുരം മണ്ഡലങ്ങളില്‍ നിന്നുള്ള എല്‍.ഡി.എഫ് പ്രവര്‍ത്തകര്‍ ചെറുപ്രകടനങ്ങളായി സമ്മേളന നഗരിയിലേക്ക് ഒഴുകി എത്തിത്തുടങ്ങി. വാദ്യമേളങ്ങള്‍ക്ക് പകരം മുദ്രാവാക്യങ്ങള്‍ കൊണ്ട് പാര്‍ട്ടി പ്രവര്‍ത്തകര്‍ അന്തരീക്ഷത്തെ ആവേശഭരിതമാക്കി.
സംഘപരിവാര്‍ രാഷ്ട്രീയത്തെ നേരിടാനുള്ള കരുത്ത് ഇടതുപക്ഷത്തിന് മാത്രമേയുള്ളുവെന്ന് സ്വീകരണത്തിന് നന്ദി അറിയിച്ച്‌ ബിനോയ് വിശ്വം പറഞ്ഞു
