ന്യൂഡല്‍ഹി : 24 മണിക്കൂറിനിടെ രാജ്യത്ത് 2,57,299 കോവിഡ് കേസുകള്‍ റിപ്പോര്‍ട്ട് ചെയ്തു. ഐ.സി.എം.ആറിെന്‍റ കണക്കുകള്‍ പ്രകാരം 20,66,284 സാംപിളകളാണ് പരിശോധനകളാണ് നടത്തിയത്. ചരിത്രത്തിലെ ഏറ്റവും ഉയര്‍ന്ന പരിശോധന നിരക്കാണിത്.
തമിഴ്നാട് (36,184), കര്‍ണാടക (32,218), കേരളം (29,673), മഹാരാഷ്ട്ര (29,644), ആന്ധ്രപ്രദേശ് (20,937) എന്നീ സംസ്ഥാനങ്ങളിലാണ് ഏറ്റവും കൂടുതല്‍ രോഗബാധ റിപ്പോര്‍ട്ട് ചെയ്തത്.
തുടര്‍ച്ചയായി അഞ്ചാം ദിവസമാണ് രാജ്യത്ത് പ്രതിദിന രോഗബാധ മൂന്ന് ലക്ഷത്തില്‍ താഴേക്ക് എത്തിയത്. 4194 പേരാണ് കഴിഞ്ഞ ദിവസം രോഗം ബാധിച്ച് മരിച്ചത്.മഹാരാഷ്ട്രയിലാണ് (1263) ഏറ്റവും കൂടുതല്‍ പേര്‍ മരിച്ചത്. തമിഴ്നാടാണ് (1263) രണ്ടാം സ്ഥാനത്ത് നില്‍ക്കുന്നത്.
3,57,630 പേര്‍ കഴിഞ്ഞ ദിവസം രോഗമുക്തി നേടി. ഇതോടെ രാജ്യത്തെ മൊത്തം കോവിഡ് ബാധിതരുടെ എണ്ണം 2.62 കോടിയായി ഉയര്‍ന്നു. 2.30 കോടിയാളുകള്‍ ഇതുവരെ രോഗമുക്തി നേടി. 29,23,400 പേരാണ് നിലവില്‍ ചികിത്സയിലുള്ളത്.
2,95,525 പേരാണ് രാജ്യത്ത് ഇതുവരെ കോവിഡ് ബാധിച്ച് മരിച്ചത്. 19,33,72,819 പേരെ ഇതുവരെ വാക്സിനേഷന് വിധേയമാക്കി.
