കൊവിഷീൽഡ് രണ്ടാം ഡോസ് ഇടവേള എട്ടാഴ്ച വരെ നീട്ടണമെന്ന് കേന്ദ്രസർക്കാർ. ഇത് സംബന്ധിച്ച് സംസ്ഥാനങ്ങൾക്ക് കേന്ദ്രസർക്കാർ നിർദേശം നൽകി.
നേരത്തെ 28 ദിവസങ്ങളുടെ ഇടവേളയിൽ രണ്ടാം ഡോസ് എടുക്കണമെന്നായിരുന്നു നിർദേശം. എന്നാൽ 6-8 ആഴ്ച വരെ ഇടവേള നീട്ടിയാൽ മികച്ച ഫലമുണ്ടാകുമെന്ന് സർക്കാർ അറിയിച്ചു. അറുപത് വയസിന് മുകളിലുള്ളവർ, അസുഖബാധിതരായ 45 വയസിന് മുകളിലുള്ളവർ എന്നിവർക്കാണ് ഇപ്പോൾ വാക്സിനേഷൻ നൽകുന്നത്. അതേസമയം കൊവാക്സിന് നിർദേശം ബാധകമല്ല.
